Gruppa har hatt 3 møte i 1998 (23.april, 7. august og 3. desember). Oppgåva til gruppa har vore å koordinere samarbeidet mellom skulane og å gjere vedtak om disponering av budsjettet. Referat frå møta følgjer som vedlegg.

SOLIS i Latvia

Som eit ledd i utviklinga av Latviaprosjektet ynskte underteikna å sikre seg at alt måleutstyret fungerte ved kvar skule i Latvia. Med på reisa var Lars Olav Tveita frå Sjøkrigsskolen av di han har programmert måleprogrammet i Solis og har lang erfaring med måleteknikk. Tomass Romanovksis frå fysikkavdelingen ved Universitet Latvia i Riga er ansvarleg for gjennomføringa i Latvia og han planla besøka i Latvia. I tillegg avtalte vi eit besøk på den norske ambassaden i Riga for å orientere om prosjektet.

Rundturen til skulane viste seg å være naudsynt då det på nesten på alle skulane var større eller mindre problem. Vi fekk alt til å fungere på alle skulane, slik at denne delen av prosjektet vil fungere godt til hausten. På kvar skule hadde vi samtaler med administrasjonen der vi fekk samtalt om korleis dei tenkte seg samarbeidet med skulen i Noreg. Mange av skulane hadde alt god kontakt med sin norske partnerskule og dei hadde konkrete planar for hausten 98.

Prosjektet har hatt to hovudformål:

1. Utvikle skulesamarbeid med latviske skular gjennom lærarutveksling/lærarsamarbeid og elevutveksling

2. Innføre prosjektundervisning som undervisningsmetode i fysikkundervisningen i Latvia gjennom SOLIS-prosjektet.

Når det gjeld samarbeid mellom skulane har det vore stor aktivitet på 5 skular. Ås vgs har hatt eit eksisterande samarbeid med Riga 64 og har ikkje brukt midlar frå dette prosjektet. Rapportar frå aktivitetane fylgjer som eigne rapportar frå skulane.

Innføringa av SOLIS-prosjektet i fysikkundervisninga i Latvia har foregått parallelt med skulesamarbeidet. SOLIS-målingane foregår og vert rapportert frå 7 av skulane. Ein eigen rapport om SOLIS i Latvia følgjer separat.

Det er laga ei eige heimeside for prosjektet av Lars Olav Tveita: