GODT NYTT ÅR!!

Vi startar året med mykje informasjon om ulike aktivitetar. Det er både Solenergidagar i Oslo 28 og 29 februar og ISREE2000 i juni.

For informasjon om kva som skal skje på konferansen i Oslo: http://www.dalen.vgs.no/isree2000/. Vi har fått leiande folk frå det internasjonale solenergimiljøet til å halde innlegg på konferansen.  I tillegg vil det sosiale opplegget følgje vanleg Arne Auen stil, med mange flotte opplegg. For at flest mogleg av SOLIS-lærarane skal ha høve til å delta har vi sett av ein sum til deltakarstipend. Ein kan rekne med at minimum 50% av konferanseavgifta kan bli dekt. Legg ein liten søknad saman med påmeldingsskjemaet. Påmeldingsfrist er 1. april, men vi set pris på tidlegare påmelding.

Norsk Solenergiforening har tatt initiativ til ein konferanse for å samle fagmiljøa i Norge. Konferansen går over 2 dagar med mange interessante foredrag. Vi håpar at mange av SOLIS-lærarane vil nytte til å oppdatere seg på kva som skjer i Norge. Sjå   informasjon om programmet: http://www.solenergi.no/kalender.html

Utstyr til Latvia

Det er nokre fleire skular i Latvia som er interessert i å få SOLIS-utstyr. Vi ber om at dei skulane som ikkje er aktive, og kan tenkje seg å levere inn utstyret, om å gje tilbakemelding snarast. Vi kan betale kr 2000,- for komplett utstyr.

 Solrik helsing

 Karl Torstein

SOLIS-målingane

Diskusjonsgruppe

Norsk solenergiforening

Foreininga har nett gjennomført ein rapport "Strategi for å fremme solvarme i Noreg". Denne er lagt ut på nettet og bør lesast av alle interesserte.

Solrik helsing  Karl Torstein

Solrik helsing

Karl Torstein

 Dalen 25. mai 1999

SOLIS-målingane

Denne månaden er det 30 som har sendt inn, noko som tilsvarer 79%.

Internasjonalt SOLIS-seminar i oktober

Det har meldt seg på bortimot 30 frå Norge til seminaret. Vi har ennå ikkje oversikt over kor mange som kjem frå Finland og Latvia. Frå England får vi truleg besøk av Paul Rowley, som leiar skuleprosjektet Global Solar Partners i BP. Det er særs hyggeleg at så mange melder seg på til dette seminaret. Når dette brevet sendast ut er ikkje all økonomi på plass, men eg håpar alt er i orden i løpet av juni.

Det blir eit spennande seminar!

Latviaprosjektet

I Latviaprosjektet er det stadig elev- og lærarutveksling mellom skulane. I dette prosjektet har vi fått finansiert det slik som vi ynskte. Både UD og KUF støttar prosjektet. Det vert i alle fall eit lite bidrag til kvar skule.

Testing av solkokerar

I eit tidsskrift kom eg over ei standard prosedyre for å teste solkokarar. Dette kan kanskje være eit greitt elevprosjekt.

Verdskonferansen ISREE2000

Brosjyre om verdskonferansen og skulekonkurransen "The Wonderful Sun" vert sendt ut rett før skulen er slutt i år.

Bruk av Internett

Så langt vi kan registrere er det få som har teke i bruk Internett for å sende data. Vi håpar det vert fleire etterkvart. Det er faktisk veldig greitt!

Ha ein velfortent sumarferie!

SOLIS-målingane

Denne månaden er det 32 som har sendt inn, noko som tilsvarar 84%.

Internasjonalt SOLIS-seminar i oktober

Vi inviterer til eit SOLIS-seminar i Riga 7-10 oktober sammen med latviske og finske lærarar. Seminaret vil vare 2-3 dagar. Vi har ikkje finplanlagt reiseopplegg og seminarinnhald, men datoane er fastsett. Målet med seminaret er å inspirere til å gjennomføre prosjektarbeid i fornybare energikjelder neste skuleår og delta på utstillinga på verdskonferansen i Oslo. Slik at kravet for å delta på seminaret er at ein legg opp til prosjektarbeid neste år. Det er derfor viktig at minst ein frå kvar skule skal undervise i 2FY neste år. Elles ynskjer vi som før at to frå kvar skule deltek. Avhengig av talet på deltakarar må vi kanskje ha ei seminaravgift (<=kr 1000). Dei som har store reiseutgifter til Trondheim/Oslo, vil få dekt delar av desse utgiftene.

Dette vert eit fantastisk høve til å treffe gamle kjente og bli kjent med lærarar frå Finland og Latvia. I tillegg vil ein få høve til å sjå Riga og ein stor del av Latvia. For dei som er med i Latviaprosjektet vert det høve til oppfriske gamle minne!

For at vi skal få organisert turen greitt med rett deltakartal ber eg om påmelding innan 17. mai.

PÅMELDING TIL SEMINAR I LATVIA I OKTOBER 1999.

SOLIS via Internett. Oppklaring!

For å sende via Internett treng du ikkje ha SOLIS-maskina kopla opp på Internett. Du lagrar databasefila på ein diskett og går til ei maskin som er kopla opp på nettet og sender data etter oppskrifta frå Lars Olav. Det tyder at du kan også sende data for månader som manglar i databasen.

Nytt telefonnummer til Dalen VGS

tlf: 35079100

fax: 35079101

direktenummer: 35079131 

Vi er i ferd med å lage ein skikkeleg oversikt over skulane på Internett. Lars Olav har laga ein database der alle data fram til desember 98 er lagra. Vi ber om at alle skulane sender inn den informasjonen det er spurt etter på arket. Du kan også gjere dette via epost. Sjå vedlegget.

SOLIS via Internett

Det er nå mogleg å sende inn data via Internett. For å få til det må du ha siste versjon av SOLIS og så må du få eit passord av Lars Olav. Send ein epost til Lars Olav så får du tilsendt siste versjon og passord.

Mailingliste

Det er også oppretta ein listserver til bruk i SOLIS. Det tyder at sender du ein epost til solis-l@lists.zoo.uib.no så vil alle i nettverket få samme meldinga. På den måten kan vi lettare utveksle idear via nettet.

I tillegg er det oppretta ei epostadresse du kan bruke for å sende informasjon du vil publisere på heimesidene til SOLIS (prosjekt osv): solis@zoo.uib.no

Internasjonalt samarbeid

Eg vidaresender ein invitasjon frå eit prosjekt i Skottland. Dei invitere til samarbeidprosjekt mellom to og to skular, der du faktisk kan få utstyr frå BP, og også delta i ein konkurranse i Glasgow. Les gjennom det og sjå om det er av interesse.